Janë bërë publike ditën e sotme pamjet se si ka nisur sherri mes tifozëve holandezë dhe 48-vjeçarit shqiptar në qendër të Tiranës, pak ditë më parë.
Në video duket se si janë të gjithë në tavolinat e tyre dhe fillojnë të konfliktohen fizikisht me njëri-tjetrin.
Shqiptari që mbeti i plagosur vjen nga jashtë dhe duket sikur kërkon sqarim se çfarë po ndodh por përfshihet në sherr ndërsa shoku i tij hedh karrigen për të goditur tifozin holandez. Nga lëvizja gjatë sherrit, u godit shqiptari dhe mbeti i plagosur pasi mori dëmtime në kokë
Kujtojmë se autoritetet e policisë së kryeqytetit bën të ditur se 48-vjeçari që mbeti i plagosur u nis menjëherë për ndihmën e parë mjekësore teksa aktualisht është jashtë rrezikut për jetën.
Për llogari të kësaj ngjarje është bërë shoqërimi i 8 tifozëve holandez që u përfshinë në këtë sherr.
