Kandidatura e Bajram Begaj ka marrë mbështetjen nga 37 deputetë që kanë firmosur për emrin e tij.
Kandidatura me firmat e deputetëve dorëzohet brenda orës 12:00 të së shtunës në Kuvendin e Shqipërisë.
Ndërkohë në orën 16:00 mblidhet Komisioni i Ligjeve për verifikimin e pastërtisë së figurës së Bajram Begajt, 2 orë përpara se emri i tij t’i shkojë Kuvendit për votim.
Firmat e deputetëve të cilat nevojiten që më pas kandidatura e Presidentit të ri të dorëzohet në Kuvend, u mblodhën në grupin parlamentar të PS, paraditen e të shtunës.
Kryeministri Edi Rama tha se vota për kandidatin për President të ri të vendit, Bajram Begaj në Kuvend, pasditen e të shtunës, do të jetë unanime nga ana e Partisë Socialiste.
