Florida përgatitet për uraganin më të madh prej një shekulli

0
93

Guvernatori i Floridës ka paralajmëruar shtetin që të përgatitet për një “katastrofë të madhe” të mundshme pasi uragani i kategorisë së dytë Ian po fuqizohet shumë në Karaibe.

Erërat e forta filluan të godasin bregun jugor të Kubës mbrëmjen e së hënës. Ian pritet të zbresë në bregun perëndimor të Floridës të mërkurën.

Rruga e saktë e uraganit nuk dihet ende, por guvernatori Ron DeSantis paralajmëroi për “pasoja në të gjithë shtetin”.

Banorët kanë grumbulluar ushqime, ujë, ilaçe dhe karburant.

Disa pjesë të shtetit nuk kanë parë një uragan të këtyre përmasave prej një shekulli.

“Ky është një uragan vërtet i madh në këtë pikë,” tha guvernatori i Floridës në një konferencë shtypi të hënën, duke u kërkuar banorëve që “të qëndrojnë të qetë”, por “bëni atë që ju nevojitet për të qenë të përgatitur”.

Guvernatori shpalli gjendjen e jashtëzakonshme për të gjithë Floridan gjatë fundjavës dhe ka aktivizuar 5,000 trupa të Gardës Kombëtare.