“BalkanWeb” ka siguruar foton e shtetasit anglez Steven Hunt që mbante në vëzhgim biznesmenin Ardian Nikulaj, para se të ekzekutohej.
Ardian Nikulaj u vra në lokalin e tij me gjashtë plumba. Në një konferencë për mediat drejtori i Policisë së Shtetit Muhamet Rrumbullaku theksoi se shkak i kësaj ngjarje është gjakmarrja. Ndërsa gjashtë persona janë shpallur në kërkim mes të cilëve edhe një grua.
“Një prej shtetasve britanikë, Steven Hunt, sipas tij ka qenë duke vëzhguar lëvizjet e Nikulajt dhe dyshohet se ka informuar portugezin Saravia para se të qëllonte biznesmenin”, raportoi ndër të tjera gazetari Igli Çelmeta.
