Të shtëna me armë janë raportuar në Kavajë pasditen e sotme (21 maj). Sipas News24, ngjarja ka ndodhur në ambientet e një lokali, ku është vrarë edhe një person.
Ende nuk ka informacione për ngjarjen e rëndë, por dyshohet se vrasja e sotme mund të ketë lidhje me vrasjen e dyfishtë më shumë se një muaj më parë, të Sali Rexhës dhe Armand Gosës.
Ndërkohë policia dhe grupi hetimor kane mberritur ne vendin e ngjarjes dhe po punojne per zbardhjen e vrasjes.
Kavajë/Informacion paraprak
Më datë 21.05.2023, rreth orës 18.30, në lagjen Nr. 1, në Kavajë, në një lokal, një person ende i paidentifikuar ka vrarë me armë zjarri pistoletë shtetasin A. G.
Shërbimet e Policisë pas marrjes së njoftimit kanë shkuar menjëherë në vendngjarje, kanë rrethuar zonën, kanë ngritur pika kontrolli dhe vijon krehja e zonës për të bërë të mundur kapjen e autorit.
Grupi hetimor nën drejtimin e Prokurorisë ndodhet në vendngjarje dhe vijon veprimet hetimore për sekuestrimin e provave me qëllim identifikimin dhe kapjen e autorit.
Paraprakisht nga të dhënat e grumbulluara dyshohet se ngjarja ka ndodhur për motive hakmarrje.
