Një aksident masiv është regjistruar në orët e pasdites së sotme në kryeqytet. Policia bën me dije se katër automjete janë përplasur me njëri tjetrin në afërsi të një lokali.
Për pasojë janë dëmtuar tre persona të cilët janë dërguar me urgjencë në spital. Nga ana tjetër policia ndodhet në vendin e ngjarjes dhe po punon për të sqaruar rrethanat e aksidentit.
Njoftimi i policisë
Më datë 25.05.2023, rreth orës 19:05, në Rrugën e Elbasanit, përballë një lokali, janë përplasur 4 automjete. Si pasojë e përplasjes janë dëmtuar tre shtetas, të cilët ndodhen në spital, nën kujdesin e mjekëve.
Grupi hetimor ndodhet në vendngjarje dhe po punon për sqarimin e rrethanave të aksidentit.
