Kim Kardashian ka siguruar një biletë për të ndjekur koncertin e Drake por duket se prezenca e saj nuk i ka bërë aspak përshtypje artistit.
Në një video që është shpërndarë pafund në rrjetet sociale, Drake është parë teksa është larguar nga skena, duke u ngjitur tek disa shkallë ndërkohë që ka qënë i rrethuar me njërëz ndërsa Kim qëndronte shumë pranë shkallëve.
Themeluesja e Skims, e cila ishte së bashku me familjen e saj në koncert, i është afruar edhe më shumë shkallëve dhe është përpjekur të tërheqë vëmendjen e Drake, teksa ai i është afruar.
Por në momentin që kaloi pranë Kim, Drake ka kaluar me shpejtësi, duke mos ndaluar ta përshëndeste Kim.
Klipi që po qarkullon në rrjetet sociale mban mbishkrimin: “Pse Drake e injoroi totalisht” ndërsa një pjesë e mirë e fansave të Kim kanë dalë në mbrojtje, duke thënë se ai mund t’i ketë buzëqeshur teksa ka kaluar.
