Kreu i PLL takon kreun e Shoqatës së ish-të Përndjekurëve Politik: Të përndjekurit politik, të bashkohemi për të fituar të drejtat

Bashkë me z. Lurian MENA, pas një takimi me Kryetarin e Shoqatës Antikomuniste të Ish-të Përndjekurve Politik z. Eh’tem Fezollari, ish-deputet i Partisë Lëvizja e Legalitetit në Kuvendin e Shqipërisë.

Gjatë takimit ndër të tjera diskutuam…

Të përndjekurit politik janë kryesisht edhe legalistë që për kauzën e tyre mbretërore e bashkim kombëtar, diktatura komuniste i vrau, burgosi dhe i internoi, por asnjëherë nuk arriti të ju marrë dinjitetin e tyre.

Me ardhjen e pluralizmit dhe shembjen e diktaturës komuniste, kjo shtresë asnjëherë nuk u vlerësuan si duhet dhe nuk fituan të drejtat e tyre që ju takonin për të u integruar si edhe meritonin në jetën shoqërore.

Për Partinë Lëvizja e Legalitetit është detyrim

dhe përgjegjësi që nëpërmjet programeve dhe projekteve konkret për këto shtresa, si pjesë organike e jona dhe baza kryesore e së djathtës në Shqipëri, të vëmë në lëvizje çdo institucion shtetëror dhe të jemi gjithmonë në shërbim të plotësimit të kërkesave legjitime të tyre.

“ATDHEU MBI TË GJITHA”