Një shtetas slloven ka humbur jetën teksa vizitonte kalanë e Rozafës në Shkodër. 65 vjeçari dyshohet se është rrëzuar aksidentalisht teksa ishte duke vizituar kalanë e Rozafës në Shkodër.
Njoftimi i policisë Shkodër:
Shkodër/Informacion paraprak
Rreth orës 19:00, shtetasi slloven S. P., 65 vjeç, banues në Slloveni, dyshohet se është rrëzuar aksidentalisht, teksa ishte duke vizituar kalanë e Rozafës.
65-vjeçari është dërguar menjëherë në spital, por për shkak të dëmtimeve të marra në kokë, ka humbur jetën.
Grupi hetimor, në drejtimin e Prokurorisë, vijon punën për sqarimin dhe për dokumentimin e plotë të rrethanave të kësaj ngjarjeje aksidentale.
