Ministrja e Shëndetësisë Albana Koçiu ka lajmëruar me anë të një postimi në rrjetet sociale, se aktori i njohur Reshat Arbana i është nënshtruar një ndërhyrjeje kirurgjikale, që ka pasur sukses.
“Aktori i njohur dhe shumë i dashur për të gjithë, Reshat Arbana, iu nënshtrua një ndërhyrje të vështirë, por me sukses falë profesionalizmit të mjekëve tanë”, shkruan Koçiu.
Postimi i Albana Koçiut:
Aktori i njohur dhe shumë i dashur për të gjithë, Reshat Arbana, iu nënshtrua një ndërhyrje të vështirë, por me sukses falë profesionalizmit të mjekëve tanë.
Ekipi mjekësor kreu ndërhyrjen përmes një terapie moderne të insufciencës kardiake, duke vendosur tre sonda elektrike në zemer që realizon sinkronizimin e tkurrjes së muskulit të zemrës në tërësi dhe që përmirëson funksionin e zemrës dhe cilësinë e jetës.
