uristi Kreshnik Spahiu gjatë në interviste për Report Tv ka komentuar dosjen për aferën Partizani.
Për emisionin ‘Sot Live në Shqipëri’ me gazetarin Nertil Agalliu, Spahiu thumboi Berishën me ironi duke thënë se një lider opozite nuk mund të ndërtoj 18 pallate.
Spahiu thotë se opozitës i ka rënë karta morale kur një nga ‘kauzat’ e tyre është kundër ndërtimit të kullave në Tiranë.
“Gjatë këtij regjimi politik Berisha ka ndërtuar 18 pallate. Por në një kohë kur akuzohet Rama dhe betonizimi i qytetit dhe kjo është kauza e tyre a mund të qëndrojë kjo. Kur vetë lideri ka qenë pjesë e kësaj që akuzon, bie karta morale. Çdo militant e di tani që Berisha nuk është i varfër, pra ai njeriu me një apartament por tani të gjithë ai i ka një familje të pasur, që ndërton kulla. Nga një tokë 2 mijë metra ndërton 18 pallate”, tha Spahiu në Report Tv.
Sa i takon privatizimit të ish-kompleksit Partizani, Spahiu tha se edhe demokratët janë ish-pronarë tokash, por Berisha nuk ua ka kthyer siç bëri me dhëndrin e tij duke e privilegjuar.
Nëse Berisha dënohet, Spahiu sqaroi se koha që ish-kryeministri Sali Berisha ka kaluar në masën arrest shtëpie do të përllogariten si vite burg.
