Një çift të rinjsh dhe një adoleshente janë arrestuar pasi akuzohet se kanë shantazhuar një 17-vjeçare duke i kërkuar para për mospublikimin e videove dhe fotove personale, në rrjete sociale.
Në pranga kanë rënë 23-vjeçari me iniciale I.M., dhe bashkëshortja e tij, 24 vjeçarja me iniciale S.M., si edhe një 17-vjeçare, (me lidhje familjare me shtetasin I.M), të gjithë banues në Komsi të Matit.
“Është bërë dokumentimi i plotë ligjor i veprimtarisë kriminale të këtyre shtetasve, të cilët në bashkëpunim me njëri-tjetrin, krijonin profile në rrjetin social “Instagram”, dhe shtanatazhonin një 17-vjeçare, duke i kërkuar vlera monetare për mospublikimin e disa fotove e videove intime”, njoftoi policia.
Tre të arestuarit kanë përfituar nga 17-vjeçarja shumën e parave prej 15.000 lekë.
Në cilësinë e provës materiale është sekuestruar shuma parave dhe 4 celularë.
Njoftimi i policisë:
Dibër
Finalizohet nga Sektori për Hetimin e Krimeve Kibernetike në Drejtorinë Vendore të Policisë Dibër, operacioni policor i koduar “Blackmail”, ndjekur me metoda speciale të hetimit.
Arrestohet çifti i të rinjve ( burrë e grua ) dhe një 17-vjecare, të cilët shantazhonin një shtetase 17-vjeçe, për dhënie parash, për mospublikimin e videove dhe fotove personale, në rrjete sociale.
Sekuestrohen shuma parash dhe 4 celularë.
Shërbimet e Sektorit për Hetimin e Krimeve Kibernetike, në bashkëpunim me Komisariatin e Policisë Mat, në vijim të punës për goditjen e krimeve kibernetike, kanë organizuar dhe finalizuar operacionin policor të koduar “Blackmail”, ndjekur me metoda speciale të hetimit.
Gjatë operacionit u arrestuan shtetasit I.M., 23 vjeç, S.M., 24 vjeçe, (burrë dhe grua) dhe një 17-vjeçare, (lidhje familjare me shtetasin I.M), të gjithë banues në Komsi, Mat.
Falë veprimeve hetimore profesionale të kryera gjatë zhvillimit të këtij operacioni, është bërë dokumentimi i plotë ligjor i veprimtarisë kriminale të këtyre shtetasve, të cilët në bashkëpunim me njëri-tjetrin, krijonin profile në rrjetin social “Instagram”, dhe shtanatazhonin një 17-vjeçare, duke i kërkuar vlera monetare për mospublikimin e disa fotove e videove intime.
Gjithashtu, nga veprimet hetimore të kryera është dokumentuar ligjërisht se tre shtetasit e arrestuar, kanë përfituar nga 17-vjeçarja, shumën e parave prej 15.000 lekë.
Në cilësinë e provës materiale është sekuestruar shuma parave dhe 4 celularë.
Materialet i kaluan Prokurorisë, për veprime të mëtejshme.
