Themeluesi i Amazon dhe pronari i gazetës Washington Post ka uruar presidentin e zgjedhur të SHBA, Donald Trump.
Jeff Bezos lavdëroi Donald Trump për “kthimin e tij të jashtëzakonshëm politik”, duke shtuar: “Asnjë komb nuk ka mundësi më të mëdha”, shkruan ai në X.
Ai i uroi presidentit të ardhshëm “gjithë suksese në udhëheqjen dhe bashkimin e Amerikës që të gjithë e duam”.
Gazeta Washington Post, të cilën Bezos e bleu në vitin 2013, ka publikuar përmbajtje shumë kritike ndaj Trump që kur ai u fut seriozisht në arenën politike në 2015.
