Ndeshja mes Anderleht dhe Fenerbahçes në Ligën e Europës është ndërprerë pas një sherri që ka shpërthyer në tribunat e stadiumit “Lotto Park” në Belgjikë ku po luhej ndeshja. Fenerbahçe kishte kaluar shpejt në avantazh në këtë sfidë dhe shifrat ishin 0-1 kur në minutën e 7, ka nisur një sherr në tribuna mes dy tifozerive. Situata ka përshkallëzuar pasi janë përfshirë edhe stjuardët e tifozë të tjerë, duke bërë që të niste një kaos masiv.
