Çelin siparin aktivitet Kulturore të Qendrës së Kulturës në Bashkinë Kamëz. Nën kujdesin e veçantë të kryetarit të Bashkisë Rakip Suli më 15 shkurt në ambientet e pallatit të Kulturës “Artan Cuku” në Kamëz startoi shfaqja e aktivitetit kulturor me temë “Në filxhan të ka rënë vallja”, një valle e ideuar nga Kristjan Kavalli dhe koregrafia e realizuar nga Gëzim Sertollaj, Halilt Baçinafki, Uesli Alushi dhe Kristjan Kavalli.
Eshtë kjo shfaqja e parë e organizuar në Qendrën e Kulturës së Bashkisë Kamëz, ambientet e Pallatit të Kulturës “Artan Cuku”, nën kujdesin e kryebashkiakut Rakip Suli dhe do të vijojë gjatë gjithë vitit me një sërë aktivitetesh artistiko-kulturore të miratuara dhe fiksuar në data dhe do të vijnë tek qytetarët plotë risi, surpriza dhe argëtim. Bashkia Kamëz ka mbështetur dhe të tilla aktivitete si shfaqja koreografike “Në filxhan të ka rënë vallja” mundësuar nga të rinjë dhe të reja nga Shqipëria dhe Kosova që ka marr inspirimin kryesisht nga një lojë që luhet në zonat e veriut që quhet “Loja e filxhanave”.
