Ish-deputeti i PD, Myslim Murrizi nëpërmjet një reagimi në rrjetet sociale theksoi se rezultati i Primareve në Tiranë po vonohet më shumë seç duhet dhe se kjo shton dyshimet për manipulim.
Murrizi, kërkon nga ana tjetër që Primaret të përsëriten në degët e Vorës dhe Paskuqanit.
“Të nderuar drejtues të PD dhe të komisionit zgjedhor të primareve të Qarkut Tiranë. Nuk besoj që ka ndonjë nga 82 kandidatët që nuk e di se sa vota ka marrë.
UNE KAM MARR 400 VOTA PA U HAPUR EDHE DY KUTI AJO E VORËS DHE E PASKUQANIT.
Prandaj boll e mbllaçitët si karamele në gojë shpalljen e rezultatit të Qarkut Tiranë se çdo vonesë shton dyshimet për proces jo të rregullt.
Për 2 Degët Vorë dhe Paskuqan duhet t’i kishit hapur kutitë në prezencë te numëruesve dhe vëzhguesve e jo të dërgoni minj administrate që kanë 25 vjet që lëpijnë këpucët e kujtdo padrinoje në seli të PD e të dërdëllisni për parregullsi.
Merrni vendim që në Vorë dhe Paskuqan të përsëriten zgjedhjet të shtunën tjetër e mos i ofendoni Demokratët e këtyre dy Bashkive se nuk jua kanë borxh.
KJO ËSHTË “STËRVITJE”
NDESHJA ËSHTË MË 11 MAJ
Ndaj mos u “lodhni” shumë në “stërvitje” se nuk do kemi takat për ndeshjen.
RESPEKTE E MIRËNJOHJE PËR 400 DEMOKRATËT QË MË VOTUAN E BESUAN SI KANDIDAT I TYRE NË BETEJËN ME RREGJIMIN”, ka shkruar Murrizi.
Nga ana tjetër, edhe Adriana Kalaja, e cila kandidoi në primare në qarkun e Tiranës ka reaguar për primaret e PD.
Në një postim në Facebook, Kalaja ka ironizuar me shprehjen e njohur “fitorja u takon guximtarëve dhe luftëtarëve”, duke shtuar
një version të ri: “Fitorja u takon tradhtarëve”..
Rezultati i primareve për qarkun e Tiranës ende nuk është bërë publik.
