Katër vajza britanike janë mbajtur në izolim në një hotel italian, pasi rezultuan pozitive me koronavirus. Adoleshentet kishin qenë me pushime në Siçili para se të dilnin pozitive në shtator, e që do qëndrojmë në karantinë për një muaj.
Rachel Goldsmith, Lily Griffin, LilyRose Wallace, 18 vjeçe dhe Millie Acers, 19, janë vendosur në dhoma të veçanta në hotel, i cili është rrethuar nga policia dhe ushtria e armatosur.
Adoleshentet, të cilat janë shkolluar në një shkollë për vajzar “James Allen” në Dulwich, në jug të Londrës, ku paguanin 18 mijë paund në vit, tani po humbin fillimin e kurseve universitare, provimet dhe punën e tyre.
Sipas ligjeve italiane të shëndetit, vajzat duhet që të dalin negativ për Covid-19 dy herë, në mënyrë që të lihen të lira.
Millie ishte në gjendje të largohej të dielën pas dy rezultateve negative, por Rachel, Lily dhe LilyRose dolën pozitive për herë të tretë këtë javë.
Rachel, e cila po aplikon për të studiuar histori dhe politikë në universitet vitin e ardhshëm, tha: “Ka qenë vërtet sfiduese mendërisht, të jesh krejtësisht e vetme”. “Kontakti i vetëm që kemi është me njerëzit që vijnë e na kontrollojnë, ata nuk mund të flasin anglisht, kështu që ndihem e izoluar”, ka shtuar ajo.
LilyRose, e cila po punon në një kafene dhe shpreson të aplikojë në shkollën e dramës, shtoi: “Ndihem e frikësuar. Të gjithë jemi duke luftuar tani sepse ka kaluar shumë kohë. Kushtet nuk janë të shkëlqyera, por ajo që është vërtet e keqe është komunikimi – duke mos ditur kur do të largohemi, çfarë po ndodh dhe kur do dalin negativ testet tona”.
