Një ngjarje e rëndë ka tronditur sot vendin, pasi një atentat është regjistruar në Vlorë.
Mësohet se nga janë regjistruar disa të shtëna me armë pranë fshatit Panaja, ku kanë mbetur të vrarë dy persona.
Dyshohet se autorët kanë qëlluar drejt një makine, ku ndodheshin dy personat, me breshëri kallashnikovi, duke i lënë të dy të vdekur në vend. Ata e kanë ndjekur dhe vëzhguar makinën që po udhëtonin viktimat, dhe më pas i janë afruar paralel duke qëlluar me breshëri plumbash. Pas plumbave makina e viktimave përfundoi në kanal.
Ndërkohë, mësohet se është gjetur edhe një automjet i djegur, që dyshohet se i përket autorëve.
