Ministri i Brendshëm Taulant Balla ka prezantuar sot drejtuesin e ri të Agjencisë së Mbikëqyrjes Policore.
I zgjedhur mes 5 kandidatëve është Florian Sulajmani.
Gjatë fjalës së tij, Balla theksoi se vetëpastrimi i Policisë së Shtetit është mision parësor i mandatit të tij.
“Agjencia e Mbikëqyrjes Policore duhet të fitojë në terren me rezultate konkrete në luftën kundër korrupsionit, abuzimit, bashkëjetesës me krimin – besimin e publikut dhe partnerëve tanë, kjo edhe falë bashkëveprimit në rritje me agjencitë e tjera ligjzbatuese, në mënyrë të veçante me SHISH dhe SPAK”, tha Balla.
“Jeni ju ata që duhet të hetoni çdo rast mosveprimi nga Policia. Rasti i Vlorës kur një vajzë e re viktimë e dhunës seksuale, apo ai I kopshtit në Tiranë, janë shembujt e këqij të veprimit të vonuar dhe standardit që tashmë është vendosur”, tha Balla.
Kujtojmë se Sulejmani pason Ardi Veliun, i cili mbajti këtë post nga 2 shtatori 2022 deri më 23 tetor 2023.
