“Stafi i gazetës është zhdukur”, gazetari zbardh detajet: Kush e pagoi sulmin ndaj gjyqtares Gjoka

0
194
Gjyqtarja e Gjykates se Posacme kunder Korrupsionit dhe Krimit te Organizuar, Irena Gjoka, duke dale pas nje seance te Komisionit te Pavarur te Kualifikimit, KPK, i cili ne vendimin e dhene e ka cilesuar ate si figure te paster. Ne perfundim te procesit te rivleresimit kalimtar, i njohur ndryshe si procesi i vettingut, Gjoka kaloi tre shtyllat e vleresimit, anen profesionale, pasurine dhe integritetin. /r/n/r/nJudge of the Special Court against Corruption and Organized Crime, Irena Gjoka, leaves a session of the Independent Qualification Commission, IQC, which confirmed him on duty. At the end of the process of revaluation, otherwise known as the process of vetting, Gjoka passed the three pillars of revaluation, such as background, assets and proficiency.

Shkrimi në median greke ku gjyqtarja e GJKKO, Irena Gjoka akuzohej se ishte dënuar nga shteti fqinj për falsifikim dokumentesh, mund të jetë paguar nga politikanë në Tiranë.

Kështu u shpreh gazetari i Top Channel në Athinë, Artur Bibe gjatë një lidhje skype për emisionin “Breaking” me gazetaren Fiori Dardha. 

Duke mos përmendur emra konkretë, gazetari nënkuptoi se bëhet fjalë për ish-kryeministrin Sali Berisha i cili e kandidoi Belerin për bashkinë e Himarës.

“Nuk është Beleri që e ka nxjerrë këtë artikull. Lajmi ka ardhur nga Tirana, është investuar nga persona, çështjet e të cilëve i gjykon Gjoka.

Nuk do doja të thoja emër konkret por do thoja janë ata që kanë futur në kurth marrëdhëniet shqiptaro-greke që nga emërimi i zotit Beleri në krye të koalicionit, në vazhdim të tjerë që i mbështesin këto politika ekstremiste. 

Janë ata që dikur e akuzuan Belerin se kishte vrarë njerëz në Peshkëpi”– u shpreh gazetari.

Më tej Bibe theksoi se nuk ka asnjë përgjigjie nga stafi i gazetës “Ta Nea” që publikoi shkrimin disa ditë para se gjyqtarja e GJKKO të merrte vendimin për kërkesën e Berishës për lirimin nga arresti shtëpiak që i është caktuar në kuadër të hetimeve për aferën e privatizimit të kompleksit ‘Partizani’.

“Janë fshehur dhe nuk përgjigjen. Komunikova sërish, nuk kanë asnjë moment, donin të mbronin burimin e informacionin, që natyrisht është e drejta e tyre. Më thanë se do më telefononin dhe sot pas 7 ditësh nuk ka asnjë informacion”– tha Bibe.