Një aksident i rëndë automobilistik ka ndodhur këtë pasdite në aksin rrugor Elbasan – Papër.
Si rrjedhojë e aksidentit automobilistik, janë plagosur 3 persona. Midis personave të plagosur janë edhe dy fëmijë të moshës 4 muaj dhe 4 vjeç.
Mësohet se një makinë tip Benz ka goditur automjetin ku ndodheshin 3 personat e plagosur. Benzi u përplas me makinën tip Opel, ku ndodheshin katër të plagosurit.
Mes të plagosurve janë edhe drejtuesi i “Opelit” dhe bashkëshortja e tij. Policia dhe grupi hetimor kanë shkuar në vendin e ngjarjes për të përcaktuar shkaqet e aksidentit.
Informacioni araprak i policisë
Në aksin rrugor Elbasan- Peqin, në fshatin Bradashesh, shtetasi E.Ç.,28 vjeç, duke drejtuar mjetin tip “Benz”, është përplasur me mjetin tip, “Opel”, me drejtues shtetasin M.Ç., 35 vjeç.
Si pasojë e aksidentit janë dëmtuar pasagjerja M.Ç, dhe dy fëmijët e saj të mitur, të cilët janë jashtë rrezikut për jetën.
Grupi hetimor ndodhet në vendngjarje dhe po punon për zbardhjen e shkakut të aksidentit.
