Pasditen e të enjtes Roma ka zyrtarizuar shkarkimin e Eusebio Di Francesco-s. Claudio Ranieri pritet të marrë rolin e trajnerit të përkohshëm deri në fund të sezonit.
“Në emër të gjithë pjesëtarëve të klubit AS Roma, falënderoj Eusebio-n për punën e bërë me ne,” tha presidenti Jim Pallota.
“Që kur u rikthye në klub, Eusebio është sjellë gjithmonë si një profesionist duke vendosur nevojat e klubit përpara të tijave. I urojmë gjithë të mirat në të ardhmen.”
Të mërkurën pas eliminimit nga Champions League tekniku refuzoi të fliste me mediet, duke u gjobitur nga UEFA.
Sot pasdite është zhvilluar një takim në Trigoria mes drejtuesve dhe është vendosur për shkarkimin e trajnerit.
