Kryetari i opozitës, Lulzim Basha ka reaguar pas publikimit të raportit të Transparency Internacional, ku sipas renditjes së re Shqipëria ka zbritur me 7 vende për shkak të gjendjes së lartë të korrupsionit.
Sipas Bashës, korrupsioni i kësaj qeverie po shkatërron ekonomike dhe po kalb atdheun.
Më tej, kreu i opozitës thekson se Shqipëria renditet në vendin e 106, në të njëjtin nivel me Bregun e Fildishtë apo Mongloninë.
“Degradimi i skajshëm dhe kriminalizimi kapilar i qeverisjes Rama, është një realitet i hidhur që provohet qartë nga raportet më të besueshme profesionale të organizatave prestigjioze ndërkombëtare sikurse është Transparency International. Korrupsioni i kësaj qeverie po shkatërron ekonominë dhe po na kalb atdheun.
Sipas Indeksit të Perceptimit të Korrupsionit të realizuar nga kjo organizatë, për shkak të qeverisjes aktuale, Shqipëria po pëson një përkeqësim dramatik të gjendjes së korrupionit duke zbritur edhe 7 vende të tjeravetëm gjatë vitit të fundit.
Në mesin e 180 shteteve të marra në shqyrtim për nivelin e integritetit, Shqipëria renditet në vendin e 106-të, në të njëjtin nivel me vende si Bregu i Fildishtë apo Mongolia.
Ja pse i duhet qeverisë Rama paketa ligjore “Anti-Fjalës së Lirë”, për të penguar daljen në shesh të korrupsionit masiv qeveritar që po përmbyt Shqipërinë”, thekson Basha.
