Një shqiptar është plagosur me armë zjarri. Ngjarja ka ndodhur pas një sherri në një klub nate në Pontecurone të Italisë. Bëhet fjalë për një 37-vjeçar, identiteti i të cilit nuk bëhet ende i ditur.
Autori i ngjarjes u arrit të identifikohej pas dëshmive të pronarit të lokalit dhe klientëve që ndodheshin aty në momentin e ngjarjes.
Ai është një 58-vjeçar, identiteti i të cilit gjithashtu nuk bëhet i ditur. 58-vjeçari u kap pranë një supermarketi dhe nuk e kishte me vete armën. Pas rrëfimit të tij, autoritetet arritën ta sekuestronin, pasi ai e kishte hedhur në një zonë me shkurre pranë hekurudhës.
Për sa i përket shqiptarit, mësohet se u plagos në këmbë dhe në dorë. Pas ngjarjes ai u transportua në spital, ku ndodhet edhe jashtë rrezikut për jetën.
