Nga Alfrrida (Dedegjonaj) Marku
Sipas Bashkisë Lezhë dhe Këshillit Bashkiak, ndihma në këtë periudhë për një familje mjafton me 240 deri 480 lekë zbritje nga detyrimet vendore!
Ndërkohë, biznesi, i cili është kontribues për familjet në nevojë në masën 80% të ndihmës së shpërndarë nga Bashkia, është lënë në harresë!
****
Me Vendimin e datës 31 mars 2020, Këshilli i Bashkisë ka rishikuar paketën fiskale për efekt të situatës aktuale, por realisht nuk ka lehtesuar taksapaguesit:
20% zbritje nga tarifa e shërbimeve publike, vetëm për bizneset e mbyllura dhe taksapaguesit familjarë, si dhe ndryshimi i afatit të pagesës së detyrimeve vendore deri në fund të qershorit, nuk janë të mjaftueshme.
Konkretisht, 20% e tarifës së shërbimeve publike për një familje që jeton në qytet nuk është më shumë se 480 lekë, e për një familje që jeton në zonë rurale 240 lekë. Absolutisht e pamjaftueshme!!
Por jemi ende në kohë, dhe Bashkia Lezhë e Këshilli Bashkiak duhet të marrin vendime të arsyeshme që i përgjigjen situatës: situatë emergjente-vendime jo të zakonta por urgjente e të domosdoshme!
Te gjithe taksapaguesit, biznese dhe familjar, duhet të përjashtohen nga pagesat e taksës së pasurisë dhe tarifa e sherbimeve publike për periudhen e izolimit social e qe zgjat 3 muaj pas perfundimit te saj.
Ndërkohë bizneset qe nuk kane te drejte te ushtrojne aktivitetin e tyre sipas urdherit te ministrise se shendetesise, te perjashtohen nga çdo takse per nje periudhe 6 mujore pas rifillimit te aktivitetit.
Duhet rishikuar tarifa e ujit te pijshëm: per nje periudhe 3 mujore duhet te pergjysmohet, nderkohe familjet qe marrin ndihme ekonomike si dhe familjet e tjera ne nevoje nuk duhet te paguajne .
Vemendje te veçante duhet edhe per fermerët. Taksa e tokës bujqësore nuk ka sens për vitin 2020 tashmë. Duhet plan konkret per tu ardhur ne ndihme familjeve fermere qe pikerisht aty kane te bazuar ekonomine familjare, duke i mbeshtetur me inpute bujqesore.
Jemi ende në kohë, për të marrë vendimet e duhura.
16 prill 2020
