Puna e Këshillit Politik për Reformën Zgjedhore u përmbyll dje. Ashtu siç kishin rënë dakord në marrëveshjen e 5 qershorit, palët, maxhoranca dhe opozita e bashkuar, arritën që ta përmbyllnin punën mbi draftin, dakordësia për të cilin u gjet me ndërmjetësimin e trojkës së ambasadorëve.
Puna për dokumentin final të Kodit të ri Zgjedhor kishte përfunduar disa ditë me herët, por deri dje kishin mbetur për t’u finalizuar edhe disa detaje të imta teknike.
Tashmë projektligji është futur në rrugën parlamentare dhe pritet të shihet se kur do t’i kalojë seancës plenare për votim.
Në këtë pikë do të duhen 84 vota për t’i futur në fuqi ndryshimet e bëra në Kodin Zgjedhor, për të cilat opozita parlamentare deri më tani nuk është pajtuar.
AMENDAMENTET PER KUVENDIN
RELACIONI PER KODIN ZGJEDHUR
