Në Shqipëri po debatohet ashpër në lidhje me listat e hapura dhe se sa realisht mundësohen ato në mënyrë që zgjedhësit të kenë të drejtën ta zgjedhin vetë deputetin e tyre.
Partia Socialiste me nismën e propozuar shprehet se ky është varianti më i mirë i propozuar duke garantuar dhe barazinë gjinore.
Por nuk është i këtij mendimi, ish-deputeti i PS-së, Kastriot Islami, i cili tashmë është në radhët e PD-së. Sipas tij, me formulën e re nu mund të ketë aplikim të parimit të listës së hapur, apo që kandidati që merre më shumë vota të shpallet deputet.
Ai paraqet një tabelë të thjeshtë me skemën e llogaritjes sipas nenit të këtij Kodi të propozuar nga PS, ku në zonë me 7 deputetë me 35 mijë zgjedhës, rezulton që ai që ka marrë më shumë vota se partia mbetet jashtë Parlamentit.
“Shikoni mashtrimin dhe injorancën e hajdutit të Surrelit… që po përdor gënjeshtrën e hapjes së listave për të mbajtur të mbyllur listat, por edhe për të ndaluar koalicionet…kjo është e vërteta… nuk duhet konsumuar kohë me gjënjeshtrat e mashtruesit te Surrelit (Rama), por duhet tallur dhe përgatitur për ta hedhur ne koshin e plehrave”, shkruan Islami, i cili dikur u akuza se përdori formulën e De Hondit për koalicionet.
Sipas formulës së propozuar një personi për t’u zgjedhur i duhet më shumë vota për të kaluar herësin e vendosur si prag, për të kaluar renditjen e listës zyrtare të partisë.
Tabela/ Listat e hapura? Ish-deputeti socialist zbulon formulën e ndarjes
Propozimi i PS për listat
Neni ___ Neni 163 ndryshohet si më poshtë: “Neni 163 Shpërndarja e mandateve për kandidatët fitues të listës 1. Menjëherë pas përfundimit të llogaritjes së rezultatit, sipas nenit 162 të këtij Kodi, KQZ-ja përllogarit shpërndarjen e mandateve për kandidatët fituese për secilin subjekt.
2. Shpërndarja e mandateve fillon me rirenditjen e kandidatëve në bazë të renditjes së tyrë në listën e dorëzuar sipas nenit 67 te këtij Kodi si dhe numrit të votës parapelqyese të secilit kandidat bazuar në procedurat dhe kriteret vijuese.
3. Renditja e kandidatëve që përfitojnë mandat ndryshon nëse kandidati ka marrë një numër votash parapelqyese më të madh se heresi qe del nga pjestimi i numrit të votave të subjektit me numrin e mandateve të fituara nga subjekti sipas nenit 162 të këtij Kodi.Në rast se herësi që përftohet nga pjestimi është një numër me mbetje dhjetore, si herës merret numri i plotë më i afërt.
4. Kandidatët me numrin e votave më të lartë se ajo e herësit ngjiten në renditje duke zevendesuar kandidatin/tet e fundit në renditje që do të përfitonin mandat sipas renditjes së listës së kandidatëve, nëse numri i votave parapelqyese të këtij të fundit është më i vogël. Në të kundërt kandidati zëvendëson kandidatin e renditur menjëherë më lartë, i cili ka më pak vota parapelqyese se sa herësi i dalë sipas pikës 3 të këtij neni.
5. Ky rregull nuk zbatohet nëse kandidati me më pak vota i përket gjinisë më pak të përfaqësuar.Në këtë rast zevendësimi kalon tek kandidati tjetër i renditur menjëherë më lart deri në shterimin e listës sipas të njëjtave kritere. Kur kandidati me numër më të madh votash se herësi i përket të njëjtës gjini zbatohen parashikimet e pikës 4 të këtij neni.
6. Kandidatët e listës që nuk përfitojnë mandate sipas pikave 2, 3 dhe 4 të këtij neni renditen në bazë të numrit të votave parapelqyese duke filluar nga numri më i lartë i votave. Kur numri i votave është i barabartë renditja përcaktohet me short.
7. Përllogaritja dhe shpërndarja e mandateve, sipas nenit 162 dhe këtij neni, për çdo zonë zgjedhore miratohet me vendim. Vendimi nxirret për çdo zonë zgjedhore më vete. Ndaj vendimit mund të bëhet ankim administrativ në KAS.”
Tabela/ Listat e hapura? Ish-deputeti socialist zbulon formulën e ndarjes
