Moti i keq me shira të rrëmbyer e erë të fortë ka përfshirë vendin tonë prej disa ditësh.
Meteorologët kanë paralajmëruar për përmbytje si pasojë e reshjeve të dendura të shiut, ndërsa bashkia e Vlorës i ka bërë një apel qytetarëve të saj.
Me një shënim në facebook, bashkia i kërkon qytetarëve të shmangin të gjitha lëvizjet me makina për shkak të shirave të dendur dhe erërave të forta.
“Paralajmërimet e meteorologëve për përmbytje, na bëjnë të jemi të kujdesshëm”, thuhet në njoftim.
Postimi i plotë:
Duke parë kushtet e motit nê Vlorë, por edhe në të gjithë vendin, do ju luteshim të shmangnit të gjitha lëvizjet me makina për shkak të shirave të dendur dhe erërave të forta. Paralajmërimet e meteorologëve për përmbytje, na bëjnë të jemi të kujdesshëm.
Kujdesuni për veten dhe familjarët tuaj!
Për çdo nevojë vendosni kontakt me Ujësjellës Kanalizimet dhe Shërbimet publike të Bashkisë.
