Ish-sekretari me marrëdhëniet me jashtë në PD, Gert Bogdani i ftuar këtë mbrëmje në studion e emisionit “Real Story” në News 24 komentoi zgjedhjet në SHBA, rezultati i të cilave nuk është shpallur ende, pasi pritet numërimi në disa shtete.
Ai tha se në këtë moment rëndësi ka numërimi i saktë.
“Estabilishmenti ka qenë që në ditën 1 kundër Trump. Sa i përket senatit është garë e vështirë për republikanët. Në Arizona mund të lëvizin balancat sërish. Edhe Biden tani që foli e vuri theksin tek fuqia e votës. Më shumë se sa shpejtësia në këto momente do të duhet saktësia.
Për ne si shqiptarë s’ka rëndësi emri që ulët në atë karrige, por marrëdhënia mes shqiptarëve dhe SHBA.
Jam i bindur që Biden do e vazhdojë traditën e vëmendjes për Ballkanin”,- tha ai.
