Një aksident automobilistik ka ndodhur sot në Fier në vendin e quajtur “Kthesa e Semanit”.
Dy makina tip ‘Benz’, një veturë dhe një fouristradë ML janë përplasur “kokë më kokë” me njëra-tjetrën dhe për pasojë dy shoferët kanë mbetur të lënduar, dhe janë dërguar në spital.
Burime nga spitali Rajonal i Fierit bëjnë me dije se të dy shoferët e lënduar janë jashtë rrezikut për jetën dhe në gjendje të stabilizuar shëndetësore.
Aktualisht në vendin e ngjarjes ndodhet policia, e cila po punon për zbardhjen e plotë të shkaqeve të aksidentit.
