Një efektiv i FNSH-së është ekzekutuar me arme zjarri mëngjesin e sotëm gjatë kohës që ishte në lëvizje me makinë.
Viktima Xhulio Prela, 26 vjeç, është gjetur i vrarë brenda makinës rreth orës 3 të mëngjesit në zonën e Gajushit.
Efektivi i policisë ka qenë duke lëvizur me automjetin e tij në superstradën Lezhe-Milot, kur është qëlluar me arme. Automjeti ka dalë nga rruga dhe përfunduar në një parcele anash rrugës. Prela është me origjinë nga Puka, dhe ka punuar dy vite ne Komisariatin e Policisë Lezhë.
Trupi i viktimës është dërguar në morgun e spitalit të Lezhës, ndërsa policia vijon hetimet për zbardhjen e plotë të ngjarjes.
