Persona të shumtë po shoqërohen nga policia nëpër komisariate në përpjekje për të shpërndarë protestën në Bulevardin qendror të Tiranës.
Një prej tyre u shoqërua nga policia teksa po transmetohej live në News 24. “Nuk kam bërë asgjë”, tha i riu, duke shtuar se thjesht po qëndronte në rrugë.
Mbi 10 persona janë shoqëruar deri më tani në rrugët ndërlidhëse me bulevardin, pasi turma e të rinjve u shpërnda fillimisht me gaz lotsjellës dhe autobote me ujë.
Ndryshe nga dy netët e shkuara, sonte ka prani të shtuar të forcave të rendit nëpër rrugë.
