Ish-deputeti demokrat Ervin Salianji thotë se qeveria tentoi të manipulojë vrasjen e Klodian Rashës duke tentuar ta cilesoje ate si aksidentale. Ai tha se ministri i Brendshëm Sandër Lleshaj qëndronte në postin e tij për inerci pasi në fakt ishte i larguar nga detyra që pas deklaratës së bërë në Vlorë në muajin Shtator.
Salianji u shpreh se PD nuk është pjesëmarrëse në protestë por mbështet kauzën e të rinjve. Por nuk përjashtoi faktin se kanë identifikuar votues të së djathtës në mbështetje të kauzës për vrasjen e Rashës. Ai u shpreh se nuk kanë dalë në protestë për shkak se nuk kanë dashur t’i japin asaj nota partiake për të larguar vëmendjen nga ngjarja tragjike
“Situata është menaxhuar shumë keq. Kemi një ngjarje tragjike që u përpoq të manipulohhej nga ana e qeverisë. Pastaj kur panë kur kishte 100 kamera u detyruan ta quajnë vrasje edhe pse me akt normativ e kanë quajtur vrasje aksidentale. Lleshaj është i kur që në shtator dhe qëndronte për inerci. E kishte paralajmëruar dorëheqjen me një deklaratë nga Vlora. Ka pafund raste që dhunohen qytetarët në rrugë dhe nëpër makina. Ministri i Brendshëm edhe thotë që nuk ka përgjegjësi edhe jep dorëheqjen.
Ne nuk jemi pjesëmarrës në protestë por kauza e të rinjve është për t’u përshëndetur. Nëse ka të rinj që janë votues të PD dhe janë aty për kauzën nuk përjashtohen. PD nuk ka bërë thirrje për protestë. Nuk përjashtohen protestues që të jenë votues të Partisë Demokratike. Nuk e kemi thënë kurrë që nuk e mbështesim.
Nuk kemi dalë sepse nuk duam të japim idenë e një proteste partiake. Përfshirja e partive do i jepte një dimension tjetër. Deklarata e Ramës për të fajësuar opozitën është një idiotësi tjetër. Kjo situatë i përplaset në fytyrë për shkak të keqqeverisjes 7-vjeçare. Këto janë reagime që vijnë nga të rinj që janë të pashpresë që këto kohë kanë marrë modelin e të fortit që ka promovuar Edi Rama”, deklaroi ai.
Salianji u shpreh se klima që ka krijuar kjo qeveri në Policinë e Shtetit ka prodhuar këtë situatë. Ndërsa ndaluar tek paralelizmi me 21 Janarin, ai shtoi se në këtë rast ka pasur një hetim nga institucione që nuk janë drejtuar nga Partia Demokratike, e megjithatë theksoi se nuk mund të heqim krahasime me ngjarje të 9 viteve më parë pasi shoqëritë evolojnë.
“Një qytetar në punë të vet vritet nga polici për orarin e karantinës apo për maskën. Unë po them që klima e krijuar në Policinë e Shtetit me të fortë ka sjellë këtë situatë. A ka përgjegjësi Policia e Shtetit dhe qeveria e cila shkon dhe tenton të manipulojë ngjarjen kur kemi protesta sepse qeveria nuk pranon se kemi vrasje.
Unë besoj që ka pasur hetim për 21 Janarin me institucione që nuk janë drejtuar nga ne. Nëse do ishin ne sot në polici, zinxhiri drejtues i Policisë së Shtetit do të ishin përballë përgjegjësi. Edi Rama është i kompromontuari i parë. Nuk jemi të ngjashëm fare ndërsa shoqëria evolon dhe ecën përpara. Ne kemi bërë të kundërtën e saj që bën Rama.
Kjo është një ngjarje e përsërirut e policisë me qytetarët që janë në punë të vet. Nuk ka pasur përplasje me qytetarët në 21 Janar me protestues që i kishte dërguar Edi Rama. Nëse do hetohej ngjarja do kishim se kush i ka përdorur dhe kush është në pushtet falë saj.
Ka pasur hetim për vrasjen e 21 Janarit dhe ka pasur edhe dënime. Por ka pasur edhe persona që janë promovuar dhe janë bërë kryetarë bashkie nga Edi Rama. Shoqëria shkon përpara dhe nuk bën krahasime për ngjarje që janë të pakrahasueshme
Ka të mitur në protestë që shikon se shoku që Shqipëria është kanabizuar ndërsa modeli që promovon Edi Rama lëviz me makina të shtrenjta. Në gjimaze e gjen kanabisin më lehtë se çimçakizin. Nga ana tjetër reagimi i qeverisë duke mos e pranuar ngjarjen dhe duke vendosur gjoba 50 milionëshe ndaj të rinjve që dalin në protestë. Kjo është zgjidhja ndaj rasteve?
Ne kemi kërkuar pezullimin nga detyra të drejtorit të Policisë së Shtetit. Nuk e ka thënë kurrë askush atë që tha Edi Rama sot që punonjësit e policisë janë si protestuesit”, u shpreh Salianji./
