Kryetarja e Bashkisë Dimal, Juliana Mema është kallëzuar penalisht nën akuzën shpërdorim detyre, shkatërrim i pronës private, mashtrim dhe falsifikim.
Dosja për çështjen pritet të përcillet nga Prokuroria e Beratit për në SPAK për hetime të mëtejshme si pasojë e moskompetencës.
Kallzimi penal është bërë nga shtetasi Petrit Baho banues në fshatin Poshnje. Ai ka deklaruar se prona e tij është shkatërruar nga fadromat e bashkisë më 23 nëntor 2020 dhe pas këtij akti bashkia leje një tjetër qytetari të vijojë ndërtimet në pronën e tij.
“Për këtë pronë,Petrit Baho është i pajisur edhe me çertifikatë pronësie. Në 25 Nëntor 2020,me një njoftim të firmosur nga kryebashkiakja Juljana Mema për lirimin e hapësirave publike,pranë banesës së tij janë paraqitur disa persona si punonjës të bashkisë dhe pa asnjë dokumentacion ligjor kanë filluar të prishin disa prona aty pranë dhe më pas kanë filluar të prishin edhe objektin me dokumentacion të rrrgullt të shtetasit Petrit Baho. Pasi është njoftuar policia,e cila nuk ka ndërhyrë,shtetasi Petrit Baho i është drejtuar Gjykatës së Rrethit Gjyqësor Berat për marrjes e masës së sigurimit të padisë. Pak ditë më vonë,mbi pronën e tij ka filluar punimet (që po vijojnë ende) qytetari Ramadan Baho,që pretendon se ka marrë leje nga bashkia“, shkruhet në kallëzim.
Ndërkohë që nën akuzë janë edhe dy punonjësit e bashkisë Agim Çuni e Pandi Lilo. I akuzuar gjithashtu është edhe qytetati Ramadan Baho, i cili mendohet se është favorizuar nga bashkia.
Bashkëshortët Baho pohojnë se,janë kërcënuar nga shumë persona dhe deklarojnë se kryebashkiakja Mema ka marrë 20 mijë Paund nga Ramadan Baho,me qëllim favorizimin e tij për ndërtim.
(Bashkia e Dimalit është aktualisht ish-Bashkia e Urës Vajgurore.
