Një tjetër mësues ka ndërruar. Ka humbur sot betejën me COVID Avni Dragoiti, i cili jepte mësim në shkollën e fshatit Dragot në Belsh.
Lajmin e hidhur e bën me dije faqja zyrtare në facebook e shkollës ku ai jepte mësim.
‘Me hidhërim të thellë ju njoftojmë se sot ka humbur betejën me COVID – 19 një nga mësuesit më të nderuar të shkollës sonë Avni Dragoti. Shprehim ngushëllimet dhe respektin për këtë mësues të vyer e me përvojë dhjetëra vjeçare në arsimimin e shumë brezave. Ndajmë këtë dhimbje me familjarët e tij,nxënësit dhe kolegët’, njofton drejtoria e shkollës
