Një ngjarje makabër ka ndodhur në Lushnje në familjen Kaja. Motra e Besnik Kajës, B.K. 23-vjeçare, me probleme mendore është abuzuar seksualisht nga një komshi e saj. Ajo ka mbetur shtatzënë nga abuzimet seksuale dhe ka lindur fëmijë.
Ngjarja ishte horror, pasi fillimisht nuk dihej as babai i fëmijës, por më pas situata u sqarua në burg. Foshnjës iu gjet atësia pas analizave të ADN. Abuzuesi rezultoi të ishte fqinji i saj Eduart Bushi, 57-vjeç.
Familja nuk ishte në gjendje të mbante foshnjën dhe e dërgoi menjëherë në shtëpinë e fëmijës në Vlorë. Vëllai i të abuzuarës tregon tmerrin e përjetuar, pasi në momentin që motra po lindte në shtëpi, babai i tij po vdiste në të njëjtën dhomë.
Vajza me probleme mendore lindi në shtëpi dhe për punë minutash mund të humbiste jetën. Babai i vajzës humbi jetën 2 muaj pas ngjarjes, sepse nuk mund të përballonte presionin e kësaj lindjeje.
Situata bëhet më e vështirë kur mendon se Besniku u dhunua në momentin që shkoi në Polici për të dëshmuar në lidhje me përdhunimin e motra.
Besniku ka dhënë një intervistë ekskluzive për emisionin “Shqipëria Live” në Top Channel, ku tregon gjithë ngjarjen e rëndë.
“Kushëriri më thotë pyet motrën se është shtatzënë, ajo nuk më thotë gjë. Bëmë testin dhe doli shtatzënë. Bëra raportimin në polici, i bënë analizat dhe doli shtatzënë. Në 2016-n kam bërë kallëzim te policia për atë person që tani është në burg, që të mos më vinte më në shtëpinë time, se e njihja se çfarë personi ishte.
Uniforma e policisë më ka rrahur sikur të isha unë përdhunuesi i motrës sime. Motra më lindi në derën e shtëpisë, e babai po më vdiste në krah tjetër.Do më kishte vdekur motra në derën e shtëpisë. Motra me ankesa tërë kohës, kërkon fëmijën, që e kemi dërguar në shtëpinë e fëmijës.
Sipas analizave ka dalë që është ai që është në burg, e ka pranuar se ka bërë marrëdhënie seksuale por që nuk është babai. Nuk besoj se e kanë abuzuar të tjerë motrën time”, tha Besniku.
