Më shumë se gjysma e njerëzve që rezultuan pozitiv me COVID-19 në Britaninë e Madhe, janë asimptomatikë, u shpreh Zyra Kombëtare për Statistikat.
“Në muajin mars, 47% e njerëzve që rezultuan pozitivisht për koronavirus raportuan simptoma dhe 53% e tyre edhe pse ishin pozitiv me sëmundjen, nuk kanë shfaqur asnjë shenjë”, njoftoi ONS-ja.
Shenjat që shfaqën më së shumti personat që rezultuan pozitivë, ishin kollë, dhimbje e kokës dhe temperaturë.
Sipas të dhënave të deritanishme, personat që rezultojnë asimptomatikë, mund të infektojnë personat e tjerë.
