Mjeti që shikoni në foton e mëposhtme, është Audi i zi që shkaktoi aksidentin tragjik me 4 të vdekur autostradën e Vlorë.
Parakalimi i gabuar dyshohet se ka qenë shkaku i aksidentit që “shoi” një familje të tërë. Burime pë gazetën Shqip thanë se familja Gushi po shkonte me pushime drejt jugut por fati i tyre i keq u pre në mes.
Policia ka dhënë detaje për aksidentin e rëndë të ndodhur mëngjesin e sotëm në aksin Levan-Vlorë, ku humbën jetën katër anëtarë të një familje.
Uniformat blu konfirmojnë se viktimat janë: Eduart Gushi, 44 vjeç, Silvana Gushi, 33 vjeçe. A.Gushi, 14 vjeçe dhe E.G, 9 vjeçe.
Policia ka identifikuar edhe 3 të rinjtë që udhëtonin me mjetin “Audi”, me të cilin përplasen makinën e familjes që u shua nga aksidenti në autostradën Fier-Vlorë.
Ata janë Igli Madani, Fabio Lamaj dhe Glori Selimi dhe ndodhen në spitalin e Vlorës jashtë rrezikut për jetën./Shqip
Audi që i mori jetën anëtarëve të familjes Gushi