Tema e sotme në “Open” ku në qendër të diskutimeve ishte opozita futi në debate të forta deputetin e PD, Ervin Salianji dhe gazetarin Nikollë Lesi.
Gazetari tha se është tragji-komedi fakti që Berisha shihet akoma si “udhëheqësi shpirtëror” i PD, ndërkohë komenti i Salianjit nxiti debat.
Deputeti përmendi një artikull të publikuar nga gazeta e drejtuar nga Lesi ku thuhet se Berisha duhet të rrëzohet me armë. Ndërsa gazetari iu përgjgij duke i thënë që duhet të ketë kujdes me fjalët pasi po flitet për protesta, jo për artikuj e gazeta.
Nikollë Lesi: Edhe PD udhëheqës shpirtëror ka Sali Berishën. Është tragjike dhe komike të shohim që Saliu trazon ujin e PD. Koalicioni është i prishur.
Ervin Salianji: Koalicionet e partive politike nuk janë të përjetshme.
Nikollë Lesi: Kur shkon në Korçë çfarë të thonë?
Ervin Salianji: Kushdo që thotë protesta, protesta, protesta, sidomos ju që keni thënë duhet të merren armë për të rrëzuar Berishën. Nuk rrëzohet asnjë qeveri me dhunë.
Nikollë Lesi: Kujdes fjalët me mua. Ore mos ngatërro gazetën me protestë.
Ervin Salianji: Protestën që ka bërë PD dhe opozita e bashkuar gjithë këto vite nuk i ka bërë asnjë parti politike. Rama do të ikë shumë shpejt.
Nikollë Lesi: Mos u bëj militant. Nuk po akuzoj Lul Bashën.
