ZBARDHET UDHËZIMI/ Nis puna për abetaren e përbashkët me Kosovën! Si do të organizohet konkursi për tekstin e vetëm

0

ëmijët që prekin për herë të parë bankat e shkollës në vitin 2022-2023 do të mësojnë me një tekst të vetëm.

Por shtëpitë botuese që do të punojnë për ta hartuar atë do të jenë dy, në Shqipëri e Kosovë. Kjo përcaktohet në udhëzuesin e hartuar me procedurat e organizimit të konkursit për tekstin e vetëm të përbashkët “Abetare”, firmosur nga ministrja e Arsimit, Evis Kushi

PROCEDURA

Hartimi dhe botimi i tekstit të abetares së re që do të vlejë për 7-vjeçarët në Shqipëri e Kosovë do të bëhet përjashtimisht nga procedura e ndjekur për tekstet e tjera. Një komision i posaçëm do të ngrihet për të vlerësuar ofertat më të mira, që duhet të vijnë jo nga një shtëpi botuese, por dy të tilla partnere, në Shqipëri e Kosovë. “Shtëpitë botuese fituese, partnere nga të dyja vendet, janë përgjegjëse për sigurimin e tekstit ‘Abetare’ për vitin shkollor 2022-2023 e në vijim”, citohet në udhëzimin e firmosur në 24 dhjetor të 2021-shit, ndërsa ankesat bëhen pranë komisionit përkatës të të dyja shteteve. Ky i fundit, veç të tjerash, do të hartojë një rregullore të posaçme ku përcaktohen detajet e përzgjedhjes së tekstit fitues, nga kriteret për të marrë pjesë në garë e deri te mënyra se si do të bëhet vlerësimi i dorëshkrimeve të “Abetares”.

Si rregull, teksti i unifikuar merr fillimisht “bekimin” e shumicës së votave të anëtarëve të komisionit të përbashkët dhe në fund atë të ministrave përkatës të Arsimit në Shqipëri e Kosovë. Procesi drejt tekstit unik do të marrë kohën e vet, duke qenë produkt i shumë takimeve e konsultimeve midis palëve. Barrën financiare për këtë do ta mbajë Ministria jonë e Arsimit, duke qenë edhe iniciatorja e këtij procesi. Një gjë e tillë bëhet e qartë edhe në udhëzim. “Shpenzimet për mbarëvajtjen e punës së anëtarëve përfaqësues të Ministrisë së Arsimit dhe Sportit në komisionin e përbashkët, përfshirë udhëtimin, akomodimin dhe dietat për realizimin e takimeve të përbashkëta, mbulohen nga buxheti i Ministrisë së Arsimit dhe Sportit, sipas legjislacionit në fuqi”.

Në ditën e Pavarësisë së Shqipërisë, 29 nëntor 2021, kreu i qeverisë, Edi Rama, dha lajmin e “ABC”-së së vetme që duhet dhe do ta mësojnë të vegjlit që jetojnë në trojet shqiptare, duke nisur nga viti i ardhshëm shkollor 2022-2023. Për ekspertët e arsimit, ai libër nuk do të jetë thjesht një tekst, por një monument kulture. Madje, kjo nismë do të hapë rrugën drejt pasjes së një teksti dixhital që sot është prirje e kohës dhe që do t’i shërbejë të mësuarit të gjuhës shqipe në distancë.

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.