Detaje të reja janë zbuluar në lidhje me grupin e trafikantëve që ishte shënjestër e një operacioni të përbashkët mes Antimafias Italiane dhe SPAK policisë shqiptare, që çoi në arrestimin e 15 shtetasve shqiptarë.
Në dosjen e siguruar nga gazetarja Klodiana Lala janë zbardhur komunikimet e kryera nga trafikantët shqiptarë mes tyre.
Në datën 11.12.2017 është zhvilluar biseda mes Di Giuestio Cristian dhe Ago Branjol:
Ago Branjol i drejtohet me fjalët: “ Përshëndetje Cristian, e dashura e Frankos sapo më thirri, por për çfarë dreqin është kjo këtu, jemi miq apo çfarë dreqin jemi?
Di Giustio Cristian: “Po..Thashë (përfshirë) kjo dëshiron të bëhet pesë mijë gjëra në ditë dhe thashë..
Më tej në dosje theksohet se Branjol Ago tregohet shumë i interesuar si për financimin e mbrojtjes ligjore të arrestuar, Çeçi dhe Duro ashtu edhe për sigurimin e mbështetjes financiare të tyre gjatë paraburgimit, por pa dalë në skenë personalisht.
“Ky është një zakon i përhapur në qarqet kriminale dhe e sheh subjektin në ‘krye’ të kujdeset ekonomikisht për ‘vartësit’ e tij të arrestuar”, thuhet në dosje.
Gjithashtu në këtë dosje del në pah edhe bashkëpunimi i paligjshëm mes vëllezërve Ago.
