Talenti shqiptar, Behar Feta, i cili spikati me golat e tij në ligën e dytë në Maqedoninë e Veriut, me fanellën e Voska Sport, ka hedhur një hap të rëndësishëm në karrierë, teksa mediat vendase bëjnë me dije se ka arritur akordin me Mariborin dhe do të transferohet te 16 herë kampionët e Sllovenisë, aty ku do të gjejë edhe sulmuesin dibran Xhuliano Skuka. 20-vjeçari Feta prej dy vitesh e gjysmë ishte pjesë e skuadrës shqiptare nga Ohri, me të cilën edicionin e kaluar shkroi historinë, duke u ngjitur në elitën e futbollit maqedonas. Ai ishte pjesë e Shkëndijës së Tetovës para se të transferohej te Voska Sport shkurtin e vitit 2021. Sulmuesi me origjinë shqiptare numëron 6 paraqitje me përfaqësuesen U21 të Maqedonisë së Veriut. PANORAMASPORT.AL
ABOUT US
Ne, një grup gazetarësh me shumë përvojë, në sektorin e medias së shkruar, kemi vendosur që të kontribuojmë në një dritare tonën, ku kufijtë na i vendos vetëm etika e profesionit dhe jo interesat e padronit, është një nismë idealiste. startnews.al, pa censurë, pa imponim, por me ambicien kerkon të shndërrohet në një dritare besnike për ndjekës që duan një gazetari të angazhuar, por të pavarur nga agjendat private të grupeve, trusteve e partive, nisma jonë ka zënë fill me idealizëm dhe garantojmë se do të vijojë e tillë, me shpresë se besnikëria e lexuesve do na shpërblejë.
Kontakto: [email protected] && [email protected]
Qëndro lidhur
© 2024 startnews.news. All Rights Reserved.