Nënkryetari i Partisë Demokratike, Enkelejd Alibeaj i është përgjigjur deklaratave të deputetes socialiste, Blerina Gjylametit në mbledhjen e Komisionit Hetimor.
Ajo u shpreh se pas datës 11 dhjetor, Alibeaj do të largohet nga posti i kryetarit të komisionit, duke sjellë në vëmendje Kuvendin Kombëtar të thirrur nga ish-kryeministri Sali Berisha.
Alibeaj ka publikuar në rrjete sociale, videon e fjalës së deputetes socialiste, teksa shkruan se më 11 dhjetor është planifikuar një tubim Rama-Berisha-Meta.
Postimi i Enkelejd Alibeajt:
“Më e qartë se kurrë, tubimi Rama-Berisha-Meta i planifikuar për datën 11. Tani ka nisur ti caktojë dhe drejtuesit e foltores. Gjylameti dekonspiron aleancën e interesave personale. Askush nuk mund dhe nuk do ta përdorë dot PD për interesa pesonale!
Çfarë deklaroi Gjylameti gjatë mbledhjes së Komisionit Hetimor
Blerina Gjylameti: Kemi kohë edhe dy javë për të patur një kryetar, i cili do të dijë të respektojë ligjin. Data 11 e përcakton që nuk do të jetë më. 4200 dëshmitarë do të thërrasim. 4200 dëshmitarë patjetër.
