“Tokyo 2020” drejt shtyrjes, CIO merr kohë. Ja kur do të merret vendimi përfundimtar

0

Edhe 30 ditë të tjera. Kjo është koha që ka marrë Komiteti Olimpik Ndërkombëtar për të vendosur fatin e Lojrave Olimpike 2020, në program për t’u zhvilluar në Tokio nga 24 korriku deri më 9 gusht, por që janë të kërcënuara nga Coronavirus. Për momentin nuk merret në konsideratë anulimi i kompeticionit, maksimumi mendohet për një shtyrje.

2020 Olympics Flag Rings 1o7h3papbkymg11l3tganwx379

Tre janë opsionet në tavolinën e Komitetit Olimpik Ndërkombëtar: zhvillimi i Lojrave në fund të gushtit deri në shtator, nisja e tyre në tetor dhe shtyrja në vitin 2021 nëse jo edhe në vitin 2022. Dritarja e parë më e vlerësuar është zhvillimi i turneut më të rëndësishëm të sportit botëror nga 25 gushti në 6 shtator. Këto data ishin parashikuar për Lojrat Paraolimpike, që në këtë skënar do të shtyheshin. Opsioni i dytë ka edhe një precedent, që për ironi të fatit në vitin 1964 po në Tokio, Olimpiada u zhvillua në vjeshtë. Në këtë mënyrë, opsion mbeten datat 9 deri më 25 tetor megjithëse mediat spanjolle i kanë shtuar kuotat nëntorit.

2020 03 22t062813z 2001472710 Rc2uof9kjmdf Rtrmadp 3 Health Coronavirus Olympics Scaled

Të gjitha këto janë hipoteza, pasi në këtë situatë alarmante është e pamundur të bësh parashikime afatgjata. Nëse përhapja e virusit Covid-19 nuk ndalet, ose të paktën të ngadalësohet dhe emërgjenca sanitare të shtyhej përtej verës, atëherë Komiteti Olimpik Ndërkombëtar mund të vendosë të shtyjë Lojrat për në 2021, ose në 2022 për të ruajtur historikun e vitit çift. Zgjedhje të vështira, ndërsa për momentin asgjë nuk mund të përjashtohet.

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.