Si rrjedhojë e situatës së krijuar për shkak të pandemisë së koronavirusit qytetarët janë urdhëruar të mos lënë ambientet e shtëpisë për motive të panevojshme.
Çdokush del vetëm për nevojat më bazike. E njëjta gjë u vendos edhe për mësuesit të cilët po zhvillojnë orët mësimore nga shtëpia.
Nxënësit këto kohë janë bërë protagonistë me videot dhe audiot që regjistrojnë ndërsa mësuesit janë duke shpjeguar lëndët mësimore.
Një rast i tillë erdhi sot në redaksinë e JOQ Albania.
Një video është filmuar nga disa nxënës në Durrës ku mësuesja shpjegon online lëndën e biologjisë por si duket nuk e kupton se ndërsa ajo shpjegon dëgjohet edhe burri i saj teksa gërhet në sfond.
“Në këto kohë karantinimi për mesimin online mësueset në Durrës kanë harruar ti thonë burrit zgjohu se do shpjegoj mësimin”, shkruan nxënësi në mesazhin e tij.
