Komisioni Qendror i Zgjedhjeve ka regjistruar Partinë Socialdemokrate për zgjedhjet parlamentare të 25 prillit, por jo me kryetar Tom Doshin.
Ky ka qenë vendimi më i fundit i KQZ-së, që sië duket ka kërkuar që PSD të plotësojë dokumentacionin e kërkuar për t’u regjistruar. Doshi ka tentuar ta regjistrojnë me emrin e tij partinë, por nuk i është pranuar nga gjykata.
Ndërkohë që kreu i KQZ, Ilirjan Celibashi shprehet se kërkesa e kësaj partie është në përputhje me ligjin. “Kërkesa për regjistrimin e kësaj partie është në përputhje me Kodin Zgjedhor”, ka thënë Celibashi.
PSD tashmë është regjistruar për këto zgjedhje duke pasur si kryetar partie Engjëll Bejtja, ish-deputetin e kësaj partie.
