VIDEO/Dua Lipa zbulon se ku do të mbahet koncerti i saj në Tiranë më 28 Nëntor, ja çfarë shkruan artistja

0
114

Këngëtarja me famë botërore do të jetë në Tiranë në 28 nëntor, për një koncert që do të ngrejë peshë fansat e saj të shumtë. Përmes një postimi në Instagram, Dua Lipa bën të ditur se koncerti do të mbahet në sheshin “Skënderbej”.

“Emocioni është i madh për spektaklin “Future Nostalgia”, i cili do të mbahet në Tiranë, Shqipëri, në sheshin ‘Skënderbej’ më 28 nëntor 2022. Është nder të festosh një ngjarje kaq të rëndësishme – 110 vjetorin e Pavarësisë”, shkruan Dua.

Pak ditë më parë, Dua e konfirmoi vetë koncertin përmes një videomesazhi në anglisht dhe në shqip.

“Mezi pres me ju pa në 28 Nëntor për Ditën e Flamurit dhe për 110-vjetorin e Pavarësisë. Ju dua shumë!”, dëgjohet të thotë artistja.